एचआईडिसीएलको चार वर्षे रणनीतिक योजनाले सेयर बजारमा चमत्कार

{!! get_the_title() }}

आर्थिक प्रेस, काठमाडौं ।

लगातार बढेको शेयर बजारमा बुधबार भने करेक्सन आएको छ । नाफा बुकको दवावमा पर्दा नेप्से घटेको हो । नेप्से घटे पनि कारोबार रकममा भने सुधार आएको छ ।दिनैभरि तिव्र उतारचढाव रहेको बजारमा बन्द हुने बेलामा करेक्सन आएको हो । आज नेप्से परिसूचक ३० अंकले घटेर समग्र बजार २८०३ विन्दुमा आएको छ । नेप्से घटे पनि कारोबार रकम भने ८ अर्व माथि पुगेको छ ।आज दिनैभरिमा २२९ कम्पनीहरुको शेयर खरिद विक्री भएकोमा २९ कम्पनीहरुको मात्र शेयर मूल्य बढेको छ भने बाँकी कम्पनीरुको शेयर मूल्य भने घटेको छ । निफ्रालगायतका चार कम्पनीहरुको शेयर मूल्यमा सर्किट लागेर कारोबार हुँदा नेपाल बंगलादेश बैंकको शेयर र हाइड्रोइलेक्ट्रोसिटि इन्भेष्टमेन्ट एण्ड डेभलपमेन्ट कम्पनी (एचआईडिसीएल) को सबै भन्दा धेरै मूल्यको कारोबार भएको छ । आज लगानी र उत्पादन उपसूचक बाहेक अन्य सबै उपसूचक घटेको छन।

 हाइड्रोइलेक्ट्रोसिटि इन्भेष्टमेन्ट एण्ड डेभलपमेन्ट कम्पनी (एचआईडिसीएल) ले कम्पनीको पूँजीमा पुनः संरचना गरी शेयर संरचनामा अन्तर्राष्ट्रिय रणनीतिक साझेदारलाई सहभागी गराई कम्पनीमा अन्तर्राष्ट्रिय अनुभव र स्रोत साधन भित्राउन प्रयास गर्ने पनि उल्लेख रहेको छ।कम्पनीले आगामी रणनीतिक योजना तयार गरेको छ । नीजि तथा सरकारी स्तरबाट विकास गरिने जलविद्युत आयोजनाहरुमा शेयर तथा ऋण लगानी गरी आयोजनाहरुको वित्तीय, संस्थागत एवं प्राविधिक सुदृढिकरण गर्ने तथा दीर्घकालीन लगानी गरी कम्पनीका शेयरधनीहरुको लाभ वृद्धि गर्ने उद्देश्य सहित कम्पनीले जलविद्युत आयोजनाहरुमा शेयर लगानीलाई प्राथमिकतामा राखी अघि बढ्ने योजना अनुसार सो रणनीतिक योजना तयार गरिएको कम्पनीले जनाएको छ ।हालसम्म जलविद्युत क्षेत्रमा मात्र लगानी गर्ने यस कम्पनीको उद्देश्य रहेकोमा प्रवन्धपत्रमा संशोधन भई कम्पनीको उद्देश्य विस्तार गरी अन्य नवीकरणीय ऊर्जाका क्षेत्रमा समेत लगानी गर्न सक्ने गरी आफ्नो कार्यक्षेत्र विस्तार गरेको छ।

कम्पनीले सहायक कम्पनीहरु रेमिट हाइड्रो लिमिटेड मार्फत ७७.५ मेगावटको घुन्सा खोला जलविद्युत आयोजना र सिम्बुवा रेमिट हाइड्रोलिमिटेड मार्फत ७०.३ मेगावटको सिम्बुवा खोला जलविद्युत आयोजना निर्माण गर्ने कार्य अघि बढाएको छ। उक्त दुवै आयोजनाहरुको विस्तृत अध्ययनको कार्य अन्तिम चरणमा रहेको छ। विद्युत खरिद विक्री सम्झौता सम्पन्न भए पश्चात सो आयोजनाहरूको निर्माणका लागि आवश्यक वित्तीय स्रोतको प्रवन्ध गरी निर्माण प्रकृया अघि बढाइने जनाएको छ।

एचआईडिसीएलका अध्यक्ष देवेन्द्र कार्कीले कम्पनीको चार वर्षे रणनीतिक योजनाले देहाय बमोजिमको लक्ष्य लिएको बताए।

(क) लगानी संरचनाः कुल लगानीमध्ये शेयर लगानीतर्फ न्यूनतम ४५ प्रतिशतदेखि र अधिकतम ६५ प्रतिशतसम्म र ऋण लगानीतर्फ न्यूनतम ३५प्रतिशतदेखि अधिकतम ५५ प्रतिशतसम्मको लगानी संरचना (Portfolio) कायम गर्ने दीर्घकालीन लक्ष्य अनुरुप ऋण तथा लगानीको संरचना कायम गर्ने।

(ख) लगानी प्रतिबद्धताः करिब ६५०० मेगावाट जडित क्षमताका जलविद्युत आयोजनाहरूमा करिब रु. १०० अर्ब बराबरको शेयर पूँजी र ऋण लगानीकोलगानी प्रतिबद्धता रहने।

(ग) लगानी प्रवाहः प्रतिबद्धता गरिएका आयोजनाहरुमा करिब रु. ३२ अर्ब ऋण र शेयर बापत लगानी रकम प्रवाह गर्ने।

(घ) वित्तीय स्रोत परिचालनः शेयर पूँजी बापत रु. २२ अर्ब र अन्य वित्तीय उपकरणको माध्यमबाट रु. १५ अर्बसहित कुल रु.३७ अर्ब वित्तीय स्रोतकोपरिचालन गर्ने।

(ङ) तरलता व्यवस्थापनः परिचालन भएको वित्तीय स्रोतको न्यूनतम ९० प्रतिशत रकम विद्युत आयोजनाहरूमा लगानी प्रवाह गर्ने।

 

कम्पनीको चार वर्षे रणनीतिक योजना अन्तर्गत देहायका रणनीतिक सुधार योजना एवं रणनीति अवलम्बन गर्ने योजना रहेको जनाएको छः

(क) नेपाल राष्ट्र बैङ्कको पूर्ण नियमन र सुपरीवेक्षणमा रहने गरी कम्पनीको संरचनागत तथा संस्थागत रूपान्तरण र विकास गर्ने।

(ख) कम्पनीको पूँजीमा पुनः संरचना गरी शेयर संरचनामा अन्तर्राष्ट्रिय रणनीतिक साझेदारलाई सहभागी गराई कम्पनीमा अन्तर्राष्ट्रिय अनुभव र स्रोतसाधन भित्राउन प्रयास गर्ने।

(ग) वित्तीय स्रोतको परिचालन तथा लगानीको विस्तारका लागि राष्ट्रिय तथा अन्तर्राष्ट्रिय संस्थाहरूसँग सहकार्य र रणनीतिक साझेदारी कायम गरीनेपाल सरकारले प्राथमिकतामा राखेका आयोजनाहरुको वित्तीय व्यवस्थापन गर्ने प्रमुख वित्तीय व्यवस्थापकको रुपमा भूमिका निर्वाह गर्ने।

(घ) सहायक कम्पनी मार्फत एवं रणनीतिक साझेदारीमा अघि बढाइएका आयोजनाहरुको विस्तृत अध्ययन सम्पन्न र लगानीको ढाँचा निर्धारण गरीकार्यान्वयन प्रक्रिया अघि बढाउने।

(ङ) बण्ड, डिवेञ्चर, सर्टिफिकेट अफ डिपोजिट आदि जस्ता वित्तीय उपकरण एवं राष्ट्रिय तथा अन्तर्राष्ट्रिय संस्थाबाट ऋण तथा अनुदान प्राप्त गरीलगानी योग्य पूँजी अभिवृद्धि गर्ने।

(च) शेयर लगानीकर्ताहरूको दीर्घकालीन प्रतिफल उच्चतम कायम गर्न आयोजनाहरुको शेयरमा हुने लगानीलाई प्राथमिकतामा राखी शेयर लगानी रऋण लगानी बीच सन्तुलन कायम हुने गरी लगानी विस्तार गर्ने।

(छ) कम्पनीको संस्थागत क्षमता अभिवृद्धि, संस्थागत सुशासन प्रवद्र्धन, सूचनामा आधारित व्यवस्थापन पद्धतिको विकास, मितव्ययी तथापरिणाममुखी कार्यसञ्चालन पद्धतिको विकास एवं संस्थागत सामाजिक उत्तरदायित्वको प्रवद्र्धनका माध्यमबाट कम्पनीको सार्वजनिक विश्वसनीयताअभिवृद्धि गर्ने।

 

प्राविधिक रुपमा कस्तो देखिन्छ अवस्था 

एचआईडिसीएलको कारोबार रकम पनि बढ्दै गएको देखिन्छ। आज मात्रै झन्डै ९ लाख कित्ता शेयर कारोबार भएको देखिन्छ। आज मूल्य ३२३ भन्दा माथि लाग्दै गर्दा त्यो बलियो रेसिस्टेन्स लाइनलाइ ब्रेक गरेर माथितिर क्यान्डल बनेको छ। यो सर्वाधिक महत्वपुर्ण कुरा हो।

RSI 

एचआईडिसीएलको डेली चार्टमा RSI ७३ भन्दा माथि पुगेको छ। यस अघि बजार मूल्य ६०६ पुग्दै गर्दा पनि RSI ७० भन्दा माथि जान सकेको थिएन। बुलिश बजारमा RSI ९० भन्दा माथिसम्म पनि पुगेका प्रसस्त उदाहरणहरु रहेका छन। त्यसैले आगामी दिनमा एचआईडिसीएलको मूल्य अझै बढेर जाने संकेत RSI ले गरेको छ।

MACD

MACD इन्डिकेटर सकारात्मक छ। यसले एचआईडिसीएलको सेयर मूल्य २५५ तिर हुँदै बाई सिग्नल दिइसकेको थियो। अहिले MACD का हिस्टोग्रामहरु लामा लामा हुँदै गएका छन। जसले यसको सेयर मूल्यमा उच्च खरिद चाप रहेको संकेत गर्दछ।

भोलुम , RSI, MACD  लगाएतका इण्डिकेटरहरुले सकारात्मक संकेत गरिरहेका छन।

 

तत्कालको लागि एचआईडिसीएलको टार्गेट कति 

यस अघिको उच्चतम मूल्य र न्युनतम मूल्यलाइ आधार मानेर फ़िबोनासी रिट्रेशमेन्ट लगाएर हेर्दा यसको पहिलो सर्पोट ३४३ को बिन्दुमा देखिन्छ भने ३४३ को बिन्दुलाई पनि क्रस गरेर बजार माथि जान सकेको खण्डमा यसको अर्को टार्गेट ३८२ देखी ३९७ हुनेछ। यो बिन्दुलाई पनि क्रस गरेर बजार माथि जान सकेको खण्डमा ४१५ देखी ४३० बलियो रेसिस्टेन्स हुनेछ ।

 

आर्थिक प्रेसमा प्रकाशित सामग्रीबारे कुनै गुनासो, सूचना तथा सुझाव भए हामीलाई aarthikpress@gmail.com मा पठाउनु होला। *फेसबुक र ट्वीटरमार्फत पनि हामीसँग जोडिन सकिनेछ । हाम्रो <*युटुब च्यानल पनि हेर्नु होला।